Adolygiad Busnes Celfyddydau & Busnes Cymru

Tender description

C&B Cymru yw’r unig sefydliad Cymreig sy’n arbenigo mewn dod â’r sector preifat a’r celfyddydau at ei gilydd er budd y ddau faes fel ei gilydd. Gyda 36 mlynedd o brofiad, a rhwydwaith sy’n ymestyn i bob cwr o’r wlad, mae’n bwynt cyswllt amhrisiadwy ar gyfer y cannoedd o sefydliadau a phobl a wasanaethir ganddo. Mae’r tîm yn cydweithio’n agos gyda’i 240+ o aelodau, sy’n amrywio o ymarferwyr unigol ym maes y celfyddydau i sefydliadau creadigol blaenllaw, a busnesau – o fasnachwyr unigol i gorfforaethau rhyngwladol.Mae C&B Cymru yn gwybod, pan ddaw busnes a’r celfyddydau at ei gilydd mewn gwir bartneriaeth, y bydd y ddau faes yn magu cryfder, a’r effaith bositif i’w theimlo’n amlwg ar y gymdeithas ehangach. Mae’r gwaith hwn yn gwneud cyfraniad uniongyrchol a phell-gyrhaeddol tuag at sicrhau Cymru decach a mwy ffyniannus.Drwy ffocysu ar ddatblygu incwm a sgiliau, mae C&B Cymru yn annog arloesedd, gwytnwch a chynaliadwyedd yn y celfyddydau. Mae ei waith yn annog llai o ddibyniaeth ar arian cyhoeddus, ac yn cefnogi creu modelau busnes cydnerth, gan helpu i gryfhau’r sail economaidd i’r sector yng Nghymru.Ar gyfer busnesau, mae C&B Cymru yn darparu atebion unigryw i heriau craidd drwy gyfrwng y celfyddydau. Mae’r elusen yn hwyluso partneriaethau wedi eu teilwrio’n arbennig, gan ddefnyddio technegau creadigol i gyflenwi llwyddiant y gellir ei fesur. Drwy ei rwydwaith eang a’i arbenigedd, mae C&B Cymru yn helpu busnesau i ddelio â nodau Marchnata, Cyfrifoldeb Cymdeithasol Corfforaethol a Datblygu Staff mewn dulliau effeithiol, wedi eu ffocysu.Mae disgrifiad llawn o raglen a gwasanaethau C&B Cymru i’w weld yn Atodiad 2.Y Sefyllfa Bresennol a’r Rheswm dros yr ArolwgEr bod mwy o alw nag erioed ym maes y celfyddydau am wasanaethau C&B Cymru, mae’r sefydliad yn wynebu dyfodol ansicr. Mae’r lefel gyfredol o incwm mae’r tîm bychan, prysur yn llwyddo i’w gynhyrchu yn annigonol, gan wneud yr elusen yn anghynaliadwy.Mae gan C&B Cymru record ardderchog o sicrhau incwm o ffynonellau amrywiol. Daw’r incwm hwn o gyfuniad o arian o’r sectorau cyhoeddus a phreifat, tanysgrifiadau aelodau, nawdd, ac incwm a enillwyd. Er gwaethaf y defnydd o’r dull aml-haenog hwn, mae’r dasg o ddenu cyllid digonol yn hynod heriol yn yr hinsawdd sydd ohoni. Rhagwelir colled yn 2023/24, am yr ail flwyddyn yn olynol, a fydd yn lleihau cronfeydd wrth gefn yr elusen i ychydig dros £26K.NODER: Ewch i'r Wefan yn https://www.sell2wales.gov.wales/Search/Search_Switch.aspx?ID=141049 i gofrestru eich diddordeb yn yr hysbysiad hwn a chael unrhyw wybodaeth ychwanegol. (WA Ref:141049)Mae'r prynwr yn ystyried bod y contract hwn yn addas ar gyfer ceisiadau consortia.