Gwerthusiad o gynlluniau hyrwyddo’r Gymraeg fel Pwnc

Tender description

* GWELER DOGFENNAETH YCHWANEGOL: 'GWAHDODIAD I DENDRO: GWERTHUSIAD CYMRAEG FEL PWNC' * Mae’r contract hwn ar gyfer comisiynu gwerthusiad o gynlluniau a gyllidwyd gan Lywodraeth Cymru ac a weithredwyd gan y Coleg Cymraeg Cenedlaethol i hyrwyddo’r Gymraeg fel pwnc dros y cyfnod 2018/19–2021/22. Gwahoddir ceisiadau gan gwmnïau addas i lunio adroddiad sy’n gwerthuso’r cynlluniau hyn ac yn cynnig argymhellion ar gyfer datblygu cynlluniau pellach i hyrwyddo’r Gymraeg fel pwnc. Bydd gofyn i’r contractwr llwyddiannus: - gynnal ymchwil pen desg i feithrin dealltwriaeth o sefyllfa gyfredol y pwnc er mwyn gallu cyd-destunoli’r cynlluniau cyfredol - meithrin dealltwriaeth o’r cynlluniau a gyllidwyd gan Lywodraeth Cymru ac a weithredwyd gan y Coleg Cymraeg Cenedlaethol i hyrwyddo’r Gymraeg fel pwnc yn ystod y cyfnod 2018/19–2021/22 - gwerthuso a gafodd y cynlluniau hyn eu gweithredu yn effeithiol - gwerthuso a lwyddodd y cynlluniau hyn i gyflawni’r nod, ac os naddo, pam? - gwneud argymhellion am gynlluniau pellach i sicrhau gwelliant yn sefyllfa’r Gymraeg fel pwnc ac i ddiogelu’r ddarpariaeth ar gyfer y dyfodol.