Visitor Appraisal Study

Tender description

1 Cyflwyniad 1.1 Mae Arfordir Sir y Fflint yn ymestyn am 25 milltir / 40km o Gaer i Gronant. Mae Aber Afon Dyfrdwy yn leoliad arbennig llawn lle bo'r hen ddiwydiannau a’r newydd yn bodoli wrth ymyl trysorau hanesyddol a bywyd gwyllt sydd o bwysigrwydd rhyngwladol. Gall yr ymwelwyr fwynhau golygfeydd ffres, trawiadol sy’n newid bob dydd gyda’r llanw a’r tymhorau. Llwybr Arfordir Cymru yw’r ffordd orau o grwydro arfordir Sir y Fflint dros 2 neu 3 diwrnod. Mae nodau llwybr ar hyd y llwybr ac mae digon o lefydd i gael gorffwys ar y daith. Mae gan nifer o’r golygfannau baneli gwybodaeth yn adrodd hanes yr arfordir a'r rhai a'i luniodd. Mae Llwybr 5 Rhwydwaith Beicio Cenedlaethol Sustrans (NCN 5) yn mynd yr holl ffordd o Gaer i Gaergybi. Mae’n cynnig rhywbeth i bawb - o lwybrau ysgafn a gwastad ar hyd hen reilffyrdd, i lwybrau gwledig i fyny'r bryniau, lle gallwch weld golygfeydd hyfryd ar draws Aber Afon Dyfrdwy. Yn Sir y Fflint, mae NCN 5 yn mynd â chi o Sealand yn y dwyrain, drosodd i lan y môr Gronant yng ngogledd y sir. Rhwng Caer a Chei Connah, mae wyth milltir o lwybr heb draffig i’w fwynhau gan feicwyr, cerddwyr a defnyddwyr cadeiriau olwyn. Mae Llwybr Rhanbarthol 89 yn rhan oddi ar y lôn pwrpasol sy'n mynd rhwng Pont Penarlâg a Chaer am dros chwe milltir ac yn dilyn glannau gogleddol yr Afon Dyfrdwy. Mae’r llwybr yn cysylltu i Queensferry a Saltney, drwy’r droedffordd yn Higher Ferry. Wedi’i gyfuno gyda NCN5, mae hwn yn lwybr cylchol gwych. 2 Cefndir 2.1 Mae Arfordir Dyfrdwy Sir y Fflint yn ardal 40km yn ymestyn o Saltney i Dalacre / Gronant. Mae ei leoliad agos at Swydd Gaer a Glannau Merswy a Gorllewin Canolbarth Lloegr yn ei wneud yn leoliad gwych ar gyfer ymweliadau dydd drwy’r ddau brif leoliad cychwynnol - Talacre a Saltney. Mae gwerth ymweliadau i’r arfordir i’n hiechyd a’n lles hefyd wedi’i nodi – gydag anweithgarwch corfforol yn costio oddeutu £1biliwn y flwyddyn i’r GIG. Mae cyfrifwyr ymwelwyr mewn safleoedd allweddol ar draws Arfordir Dyfrdwy Sir y Fflint yn dangos cynnydd graddol mewn ymwelwyr dros y 5 mlynedd diwethaf ac mae'r duedd yn parhau i gynyddu. Yn aml ein safleoedd mwyaf poblogaidd yw'r rhai mwyaf bregus gan olygu eu bod yn agored i niwed o ganlyniad i effaith pwysau ymwelwyr. 3 Amcanion 3.1 Y briff Nod yr astudiaeth yw mesur ac asesu buddion lles economaidd a chymdeithasol y ddau safle cychwynnol i Arfordir Dyfrdwy Sir y Fflint tra’n deall yr effaith amgylcheddol, sef: • Talacre • Saltney Bydd yr astudiaeth yn llunio argymhellion ar leihau effaith amgylcheddol nifer yr ymwelwyr tra’n gwneud y mwyaf ac yn lledaenu buddion economaidd a chymdeithasol i'r ardal ehangach. Bydd yr astudiaeth yn hysbysu ymateb Cyngor Sir y Fflint a Phartneriaeth Rheoli Cyrchfan Sir y Fflint i'r cynnydd yn nifer yr ymwelwyr yn y ddau safle cychwynnol ac yn nodi dull cynaliadwy o reoli gan sicrhau bod capasiti a gwydnwch y safleoedd hyn wrth wraidd y dull hwnnw. Elfen allweddol o'r astudiaeth fydd archwilio faint yn fwy o fudd economaidd y gellir ei gyflawni a sut y gellir ymestyn y buddion economaidd a chymdeithasol yn ehangach. 1 Introduction 1.1 Flintshire’s Coast stretches for 25 miles/ 40km from Chester to Gronant. The Dee Estuary is a very special place where industry old and new sits alongside historic gems surrounded by internationally important wildlife. Visitors can enjoy fresh, bracing views that change every day with the tide and seasons. The Wales Coast Path is the perfect way to explore Flintshire’s coast over 2 or 3 days. The path is well waymarked and there are plenty of places to stop along the way. Many of the viewpoints have interpretation panels telling the story of the coast and people who shaped it. The Sustrans National Cycle Network Route 5 (NCN 5) goes all the way from Chester to Holyhead. It offers something for everyone - from gentle, flat routes along converted railways, to country lanes up in the hills, where you can take in fantastic views across the Dee Estuary.