Comisiynu Gwaith I Greu Adnoddau Digidol (Gwaith Technegol)

Tender description

Ceir dau gam i’r prosiect hwn: Rhagfyr 2020 – Mawrth 2021: Trosi sgriptiau i fod yn unedau rhyngweithiol ar gyfer cyrsiau cyfunol Dysgu Cymraeg – cyrsiau lle mae’r dysgwyr yn astudio 25% o’r wers cyn mynychu dosbarth. Gellir gweld rhan o’r gwaith hwn yma: https://dysgucymraeg.cymru/dysgu/adnoddau-digidol/mynediad/ (Cwrs Adolygu). Bydd angen creu unedau ar lefel Mynediad a Sylfaen i ddysgwyr Cymraeg. Dosrennir y gwaith hwn gan Swyddog Gweithredol Adnoddau Digidol y Ganolfan a bydd angen cydweithio’n agos iawn gyda’r Swyddog Gweithredol Adnoddau sy’n gyfrifol am arwain ar adnoddau digidol. Ebrill 2021 - Gorffennaf 2021: Creu amrywiaeth o weithgareddau byrion digidol i’w hychwanegu at y platfform digidol. Bydd y gweithgareddau hyn yn rhan o wefan ybont.org ar hyn o bryd ond bydd angen eu haddasu ar gyfer dysgucymraeg.cymru. Arolygir y gwaith hwn gan y Swyddog Gweithredol Adnoddau sy’n gyfrifol am arwain ar adnoddau digidol.