Llunio dogfennau cyngor ar ofynion safonau’r Gymraeg - gofal sylfaenol ac ymgynghoriadau clinigol

Tender description

Mae Comisiynydd y Gymraeg yn dymuno comisiynu cyflenwr allanol i ddarparu cyngor iddo ynghylch cefnogi byrddau iechyd ac ymddiriedolaeth GIG Cymru i gydymffurfio gyda gofynion safonau 78 a 110 Rheoliadau Safonau'r Gymraeg (Rhif 7) 2018. Nod y gwaith fydd: - Gwella dealltwriaeth y Comisiynydd o ba mor dda mae sefydliadau’n cydymffurfio gyda gofynion perthnasol safonau 78 a 110 Rheoliadau Safonau’r Gymraeg (Rhif 7). Ansawdd cydymffurfedd sydd dan sylw, a’r graddau y bydd polisïau/cynlluniau yn cyflawni bwriad y ddwy safon. - Gwella dealltwriaeth y Comisiynydd o’r ffactorau sydd wedi arwain at y graddau mae sefydliadau’n llwyddo i gydymffurfio gyda gofynion perthnasol safonau 78 a 110 Rheoliadau Safonau’r Gymraeg (Rhif 7). - Llunio dwy ddogfen gyngor i alluogi’r Comisiynydd i ddarparu arweiniad clir ac ymarferol i sefydliadau ynghylch sut i adfer neu wella ansawdd cydymffurfedd (i) ar gyfer safon 78 a (ii) ar gyfer safon 110. Dylai’r dogfennau cyngor hefyd gynnwys arweiniad ynghylch sut i gydymffurfio â’r safon berthnasol sy’n gofyn i sefydliadau asesu’r graddau y maent wedi llwyddo i ddilyn y polisi/cynllun ymhen 5 mlynedd (sef safonau 78A a 110A).